Նոյեմբերի 2-ին  ՀՀ սպորտի և երիտասարդության հարցերի նախարարությունում տեղի ունեցավ ֆեդերացիաների տարեվերջյան լսումները: Լսումները անցկացնում էր ՀՀ սորտի և երիտասարդության հարցերի նախարար Գաբրիել Ղազարյանը, նախարարի տեղակալ Արտաշես Նազարյանը, աշխատակազմի ղեկավարի ժ.պ. Վահե Էլոյանը, նախարարության համապատասխան ստորաբաժանումների ներկայացուցիչները, ինչպես նաև սպորտային բժշկության և հակադոպինգային ծառայության հանրապետական կենտրոնի տնօրենի սպորտային բժշկության գծով տեղակալ Ռաֆայել Թորոյանը: 

Հայաստանի սուսերամարտի ֆեդերացիայի նախագահ Արմեն Գրիգորյանը տեղեկացրեց 2015 թվականի օրացուցային պլանով կատարված աշխատանքների, միջազգային ֆեդերացիայի կողմից հատկացված գույքային ծրագրի իրականացման, Ռիո-2016 թվականի օլիմպիական խաղերին մասնակցելու հավանական թեկնածուների մասին: Լսումների ընթացքում քննարկվել է նաև ֆեդերացիայի կողմից նախանշված 2018 թվականի ապրիլին սուսերամարտի մինչև 23 տարեկանների Եվրոպայի առաջնությունը Հայաստանում կազմակերպելու և անցկացնելու հնարավորության հարցը: