Վրաստանի Հանրապետության Բաթումի քաղաքում հուլիսի 1-4-ը անցկացվել է պատանի սուսերամարտիկների միջազգային մրցաշար, որին մասնակցել է շուրջ 100 մարզիկ՝  Հայաստանից, Վրաստանից և Ադրբեջանից:  Հայաստանն այս մրցաշարին ներկայացրել են                     ՀՀ հավաքական թիմի 6 մարզիկներ՝ Մանվել  Հովհաննիսյանը, Էդուարդ Հովիկյանը, Պարգև Ստեփանյանը, Արմեն Դալլաքյանը,               Սիլվա Ղազարյանը և Սվետլանա Նազարյանը`  ավագ մարզիչներ Արտաշես Մադոյանի և Անդրանիկ Արազյանի ղեկավարությամբ:  Մեր խոցասուսերակիր տղաներից 1-ին տեղն է գրավել և մրցաձևի հաղթող  ճանաչվել Էդուարդ Հովիկյանը, իսկ Մանվել Հովհաննիսյանը զբաղեցրել է 3-րդ հորիզոնականը:  Ճկասուսերակիր տղաներից լավագույնն է ճանաչվել Պարգև Ստեփանյանը, իսկ Արմեն Դալլաքյանը գրավել է 3-րդ տեղը՝ արժանանալով բրոնզե մեդալի: Այսպիսով մեր մարզիկները հայրենիք են վերադարձել՝ իրենց հետ բերելով 2 ոսկե և 2 բրոնզե մեդալ: