ե Այսօր փտրվարի 10-ին Բյուրեղավանի Քետրին մարզակումբում մեկնարկեց սուսերամարտի երիտասարդների Հայաստանի առաջնությունը: Առաջնության բացման արարողությանը ներկա էին ՀՀ սպորտի և երիտասարդության հարցերի փոխնախարար Նազարեթ Մանացականյանը, նախարարության բարձրագույն սպորտի քաղաքականության վարչության պետ Նարինե Շահբազյանը, բաժնի պետ Սամսոն Հակոբյանը, գլխավոր մասնագետ Թաթուլ Հովհաննիսյանը, Հայաստանի սուսերամարտի ֆեդերացիայի նախագահ Արմեն Գրիգորյանը ` ով ողջունեց ներկաներին շնորհավորելով Հայաստանի երիտասարդական առաջնության մեկնարկի առթիվ: Այնուհետև խոսքը տրվեց ՀՀ սպորտի և երիտասարդության հարցերի փոխնախարար Նազարեթ Մնացականյանին: Ն.Մնացականյանը ողջունեց բոլոր մարզիկներին մաղթելով հաղթանակներ և նորանոր հաջողություններ, այնուհետև կատարեց պարգևատրման արարողություն, որտեղ Ն. Մանցականյանը ՀՀ սպորտի և երիտասարդության հարցերի նախարարի հրամանով ` ֆիզիկական կուլտուրայի և սպորտի պատվավոր աշխատողի կոչմանն արժանացրեց նորագավիթի սուսերամարտի մարզադպրոցի մարզիչ Նորիկ Հովսեփյանին և սպորտի վարպետի կոչմանն արժանացան Էմիլ Դանիելյանը և Էմմա Պողոսովան: Մրցաշարի առաջին օրը մարտուղյակ դուրս եկան խոցասուսերակիրները: Աղջիկների պայքարում, բոլորից հաջող հանդես եկավ և չեմպիոնի կոչմանը արժանացավ, միջազգային մրցաշարերի մասնակից և հաղթող <<Քեթրին>> ակումբի սան Էմմա Պողոսովան, ով եզրափակչում առավելության հասավ Հայաստան մարզական միության Նորագավիթի սուսերամարտի մարզադպրոցի սան Լիլիթ Էվոյանի նկատմամբ: Երրորդ տեղերը զբաղեցրին Աստղիկ Մարտիրոսյանն ու Մարիամ Հարությունյանը նույնպես <<Քեթրին >> ակումբից: Տղաներիի եզրափակչում մրցեցին Արաբկիրի Ալբերտ Գրիգորյան անվան սուսերամարտի մարզադպրոցի սան Մանվել Հովհաննիսյանն և Հայաստան մարզական միության Նորագավիթի սուսերամարտի մարզադպրոցի սան Էդուարդ Հովիկյանը: Չեմպիոնական պայքարում ավելի հաջող հանդես եկավ Մանվել Հովհաննիսյանը ով էլ հռչակվեց Հայաստանի երիտասարդների առաջնության չեմպիոն: Բրոնզե մեդալակիրներ դարձան Արթուր Քոչարյանը (ՀՀՄ-Նորագավիթ) և Արման Գրիգորյանը (Արաբկիրի Ա. Գրիգորյանի անվան սուսերամարտի մարզադպրոց): երկրորդ օրը պայքարը կծավալվի ճկասուսերակիրների միջև:
|